ბიზნესში წარმატების მისაღწევად აუცილებელია მისი პერიოდული აუდირება სხვადასხვა მიმართულებით. იმისათვის, რომ კომპანიამ ფინანსური ანგარიშების სიზუსტის კუთხით შეცდომებისგან აიცილოს თავი, საუკეთესო გამოსავალი  ფინანსური აუდიტია.

საიმედო და უტყუარი აღრიცხვა და ანგარიშგება ეხმარება საწარმოს რესურსების ეფექტიანად განაწილებაში. არაადეკვატური აღრიცხვა და ანგარიშგება კი იწვევს რესურსების უსარგებლო ხარჯვას, რაც საბოლოოდ მნიშვნელოვან ზარალს აყენებს მთელ საწარმოს.

ჩვენ ვემსახურებით კლიენტებს მარწმუნებელი და არამარწმუნებელი გარიგებების, ისტორიული ფინანსური ინფორმაციის მიმოხილვისა და სხვა მრავალი საჭიროების ფარგლებში.

ფინანსური აუდიტის შედეგად თქვენ მიიღებთ:

• საერთაშორისო სტანდარტების შესაბამისად აუდირებულ ფინანსურ ანგარიშგებასა და დამოუკიდებელი აუდიტორის მოსაზრებას;
• ინფორმაციას გამოვლენილი შიდა კონტროლის მნიშვნელოვანი ნაკლოვანებების შესახებ;
• ინფორმაციას კომპანიის საოპერაციო საქმიანობაში გამოვლენილ მნიშვნელოვან, სუსტ მხარეებზე;
• ინფორმაციას ეფექტიანობის, მომგებიანობის შესაძლო ზრდის პერსპექტივებზე;
• დამოუკიდებელ, ობიექტურ შეფასებას თქვენი ბიზნესის მომგებიანობის შესახებ.

საგადასახადო აუდიტი გულისხმობს კომპანიის ბუღალტრული და საგადასახადო აღრიცხვის მდგომარეობის შემოწმებას, საგადასახადო კანონმდებლობის დაცვისა და საგადასახადო ვალდებულებების შესრულების კუთხით.

მისი მიზანია საწარმოების საგადასახადო რისკების შეფასება და მათი მინიმუმამდე დაყვანა. აუდიტის პროცესში მოწმდება ყველა სახეობის გადასახადის საგადასახადო ბაზა, ტარდება საგადასახადო აღრიცხვისა და საგადასახადო ანგარიშგების აუდიტი, როგორც კომპლექსური, ასევე ცალკეული გადასახადების მიმართ: საშემოსავლო, მოგების, დამატებითი ღირებულების გადასახადი, აქციზი, ქონების გადასახადი, საბაჟო გადასახადები და მოსაკრებლები.

შემოწმების შედეგების საფუძველზე მზადდება კონფიდენციალური ანგარიში ხელმძღვანელობისათვის, სადაც აღწერილია აუდიტის პროცესში გამოვლენილი დარღვევები და რეკომენდაციები მათ გამოსასწორებლად. აღნიშნული ანგარიშის განხილვის შემდეგ აუდიტორი ეხმარება დამკვეთს გამოასწოროს გამოვლენილი ხარვეზები (პირველადი საბუთების მოწესრიგება, დეკლარაციების დაზუსტება და ა.შ.).

ორგანიზაციაში ბუღალტრული აღრიცხვის გამართული ფუნქციონირება ერთ-ერთი უმიშვნელოვანესი ფაქტორია კომპანიის ეფექტურად მუშაობისთვის. ბუღალტერიის სწორი წარმოება საშუალებას გაძლევთ გაანალიზოთ პროცესები და მიიღოთ დროული და სწორი გადაწყვეტილებები, ასევე თავიდან აიცილოთ საგადასახადო რისკები.

ჩვენ პასუხისმგებლები ვართ მოწოდებული ინფორმაციის ფარგლებში, ჩვენი მიზეზით მიყენებულ საგადასახადო ან სხვა ფინანსურ ზარალზე.

გუნდი გთავაზობთ შემდეგ  ბუღალტრულ მომსახურებას:

• პირველადი დოკუმენტაციის დამუშავება;
• საწყისი ბუღალტერიის შექმნა, აღრიცხვა, დამუშავება, შემდგომი მომსახურება;
• ბუღალტერიის საბუღალტრო პროგრამებში აწყობა;
• ყოველთვიური დეკლარაციების გაგზავნა;
• საბუღალტრო საქმიანობის წარმოება;
• საგადასახადო დეკლარაციების დამუშავება, წარდგენა;
• ძველი ბუღალტერიის აღდგენა, სისტემატიზაცია.

ჩვენ გთავაზობთ საერთაშორისო სტანდარტებით მომზადებულ უმაღლესი ხარისხის შეფასებებს მთელი საქართველოს მასშტაბით.

უძრავი ქონების შეფასება მოიცავს:

• მიწის შეფასება;
• ბინის შეფასება;
• სახლის შეფასება;
• კომერციული ან საოფისე ფართის შეფასება;
• შენობის შეფასება.

მოძრავი ქონების შეფასება მოიცავს:

• ტრანსპორტის შეფასება;
• სპეცტექნიკის შეფასება;
• საწარმოო დანადგარების შეფასება.

ბიზნესის შეფასება არის კომპანიის ყველა აქტივის - უძრავი ქონების, მანქანა-დანადგარების და სხვა მოწყობილობების, ფასიანი ქაღალდების, სასაქონლო-მატერიალური მარაგების, ინვესტიციების და არამატერიალური აქტივებისა და ვალდებულებების - კომპლექსური შეფასება.

ეს გულისხმობს ბიზნესის, როგორც მოგების მომტანი კომპლექსური ღირებულების დადგენას. ჩვენი კომპანია უზრუნველყოფს დამქირავებლის ინტერესებიდან გამომდინარე, მის სწორ გაანგარიშებასა და გათვლას. ბიზნესის ოპერაციული საქმიანობიდან და მისი უახლოესი ისტორიის საფუძველზე ვადგენთ კომპანიის სამომავლო ღირებულებებს და განვსაზღვრავთ მისი განვითარებისა და წარმატების ალბათობას.

„ჯ.ბ. აუდიტი“ გაგიწევთ კონსულტაციებს საგადასახადო შემოწმებების მიმდინარეობისას, საგადასახადო ორგანოებთან ურთიერთობაში და შემოწმების დასრულების შემდეგ საგადასახადო ორგანოების ქმედებების სამართლებრივ შეფასებისა და შედეგების გასაჩივრების ნაწილში.

საგადასახადო შემოწმების პროცესში ჩვენი კონსულტაცია მოიცავს:

• წინასწარი ანალიზის საფუძველზე საჭირო საპროცესო დოკუმენტაციის მომზადებას;
• საგადასახადო ორგანოებისთვის მისაწოდებელი ინფორმაციის და ახსნა-განმარტებების კონტროლს;
• საგადასახადო ორგანოებთან ურთიერთობაში დახმარებას.